Patuloy na nagbibigay-sigla sa “voohay” bakla ang mga hook-up platform na nagbubukas sa walang-hangganang oportunidad upang makipagkita sa kapwa-baklang nagnanais na makipagkilala. Subalit, imbis na lubos na kalayaan, nagiging lugar din ang mga platapormang ito ng diskriminasyong nagpapapalala sa pagkalumbay: takot ng mga discreet na tinatapatan ng pagkahiya ng mga barbie. Sa kabila nito, nananatiling onlayn ang bakla, umaasang mapapalitan ng isang gabing ligaya ang lahat ng pang-aalipusta sa kanyang itsura, pananalita, pananamit, at katayuan.