Si Alyannah Abarrientos ay isang mag-aaral sa Pamantasan ng Ateneo de Manila sa kursong Political Science. Mula noon, pinatunayan niya ang kahusayan sa pagsusulat ng lathalain sa Ang Baranggay, na ipinagpapatuloy niya ngayon sa Matanglawin. Nasa puso ng kaniyang adbokasiya ang pagtataguyod ng karapatan ng mga manggagawa sa marangal na trabaho at benepisyo, gayundin ang pagtatanggol sa mga katutubong Pilipinong ninanakawan ng lupa. Hangad niyang gamitin ang kaniyang panulat upang magmulat at maglahad ng mga kuwentong madalas binubura ng mga naghaharing-uri.