Si Justine Evora ay mag-aaral ng kursong BS Management Information Systems sa ADMU, at kasalukuyang tumatayo bilang Patnugot ng Disenyo ng Matanglawin Ateneo. Pinangungunahan niya ang pagtutok sa mga dibuho at biswal na aspeto ng publikasyon. Sinisikap niyang pagyamanin ang malikhaing paggamit ng mga elementong pandisenyo upang higit na mapalalim ang bisa ng bawat inililimbag. Interesado rin siya sa web development at UX/UI design na siyang pinaghuhusay pa niya para sa mas malaking adhikain sa hinaharap. Hangad niyang epektibong maihatid ang diwa ng pananaliksik at pagsusuri sa mga mambabasa.